رشيد شو

-رشيد شو -

برنامج رشيد شو الي واخد اعلى نسبة مشاهدة كيبين على ان نسبة كبيرة من لمغاربة خاويين بشكل رهيب، و حتى داك الجمهور ديال لبلاطو ممكن يتاخد كمثال على الغباء حيث بنادم الي كيمشي كيبقا واقف 3 سويع كيتسنى و معارف حتى شكون الضيف الي ايكون و ملي كيدخل لبلاطو كيصبر بالجوع و حابس فيه لبولا و ضهرو ضارو و اديه كيحرقوه بالتصفاق و المؤخرة ديالو تبنجت بالبروك لاكثر من ساعتين كأقل تقدير و فلاخر كيخرج بليل هاز دانون و ساندويش فيه بطاطا لاوية... و فخور بهدشي را خصو شهادة الحياة باش يتبث لينا الوجود ديالو... أما الجمهور الي متبع من تلفازة را عندو فراغ كبير فالفكر حيث فهديك لمدة ديال لبرنامج ممكن يقرا كتاب ولو غ الكتروني من لبورطابل، او يجمع مع مرتو ولادو ولا شي صديق ولا يسمع لشي موسيقى روحية او اضعف الايمان يبدل لشي برنامج مفيد را كينة كثر من 1500قناة غ فنيل سات،يعني بنادم خاوي لهاد درجة يتفرج فبرنامج فقراتو تافهة و مكيخلي بنادم حتى يبتسم فخاطرو، كيجيب دري صغير ولد شي مسؤول كيدير حوار تافه كيجيب من بعد شي واحد باغي غ يدوز فتلفازة بحال دنيا باطما و ايهاب و امينوكس و اللائحة طويلة و كيبدا معاهم ففقرات تافهة و فلاخر لا شيء ، مكين لا متعة لا معلومة مفيدة و كلشي مخلص و الفنان ضاحكين عليه و الجمهور زاد كلاخو 10 غرام على مستوى المخيخ